સંયુક્ત રાષ્ટ્રસંઘ દ્વારા ભારતીય સંસ્ક્રૃતિની ઉત્તમ ભેટ એટલે યોગ. સદર સંથાએ યોગને વૈશ્વિક સ્તરે વિરાસતમાં સામેલ કરેલ છે, જે અનુસાર પ્રત્યેક વષૅ “21 જૂન – વિશ્વ યોગ દિવસ” તરીકે ઉજવવાનુ નક્કી કરવામાં આવ્યું છે. તે અંતર્ગત અમારી દાંતિયાવર્ગ પ્રા.શાળા,મોરવા(હ)માં 21 જૂનના દિને “વિશ્વ યોગ દિવસ” ની ઉજવણી કરવામાં આવી. 
              સૌ પ્રથમ શાળાના આચાર્યશ્રી ઇમરાન એ. શેખ દ્વારા યોગથી થતા ફાયદા અને વિશ્વ યોગ દિવસ શા માટે ઉજવવામાં આવે છે તે વિશેની માહીતી આપવામાં આવી. ત્યારબાદ શાળાના આ.શિ. શ્રી ખુમાનસિંહ બી. ડામોર દ્વારા સમગ્ર યોગ કાર્યક્રમનુ સંચાલન કરવામાં આવ્યું. અને શાળામા અભ્યાસ કરતા બળકોને યોગ કરાવવામાં આવ્યા. 

            આ શુભ પ્રસંગે શાળાના સ્ટાફની સાથે સાથે ગ્રામજનો,એસ.એમ.સી.સભ્યો, પણ ઉપસ્થિત રહ્યા હતા.

              અંતિમ ચરણમાં સૌ ગ્રામજનો, વાલીઓ, વિધ્યાર્થીઓ અને શિક્ષકોએ સાથે મળીને સમગ્ર વિશ્વમાં એકતા જળવાય, દરેક મનુષ્યનું મન સંતુલિત રહે અને પ્રત્યેક જન સ્વસ્થ , શાંત, આનંદી અને પ્રિય બનવાનો પ્રયત્ન કરે તે માટે પોતાના સ્વાસ્થ્ય તેમજ શાંતિ માટે સંકલ્પ લેવામાં આવ્યા તથા અંતમા શાંતિ પાઠ કરવામાં આવ્યો .
યોગવિધ્યાની ભૂમિ એવા ભારતમાં આ દિવસે વિરાટ અને વિસ્તૃત કાર્યક્રમમાં સહભાગી થવાના આનંદ સાથે સૌ લોકો છૂટા પડ્યા.